Ajamara yatu nate

Waraotuma bajabuyajakotai nome erawitu, nibotuma tidatuma tane eku jese, takore dijana ma warao, yatu wabakitía.

Monidawitu bajakore, nobaraya. Jebuida cáncer tiajakotai namonía warao bajayajakotai a tejo eku. Awajabara, jisaka boisia, sina a tai, a doko, a waraoba, aobono, tai a kuatukamo tejo kokotukaya yaroya, tamaja nobara asirajawitu.

Takore jebu cáncerwitu yana, monidawitu bajakore warao aí arakate ekoraya, boisituma bajukaoni nakaya, ji tejo a yoromo botoboteraja nakaya, iji yakeraja ajakomoni ama arijaba mikomoni, ji roko kueraja nakaya, iji dubijidaja idamo nakaya, nome kuarika eraja abane.

Tiakuare, jiauka, ji aukatida bajayakore, ji waraotuma saba tane waranu, dijana ajamara iabamiaro.

Compartir contenido

Vamos a encontrarnos en Telegram https://t.me/Tanetanaedelta