Monseñor Ernesto Romero / Tanetanae.com.

Kobenajoro Lizeta Hernández dibunae, tai bare Kiko coronavirus majanae. Tiakuaresike jisamika emo ja dijana, daisa majanakatamiaro.

Jotarao a ribu aisía dibuyajakotai, jotu a karata «PDR», tai jebuida coronavirus miae. Ama karata daisa wakaya , takore Tanetanae.com naminayajakotai, tai bare obo, ama diara sanuka ja.

Bare Kiko misa warayaja tanae dibunoko eku, awajabarayatamo. Takore tatukawitu ekó tanae dijana, bare daisa anokoeku ja dijana.

Facebook eku kokotuka dibu ayakara dibuya, yakera jamiaro dubujiraja. Tai sanuka idamo dijana, takore mate táera.

Bare Kiko, dubujira bajukanu.

Loading...
Compartir