Delta Amacuro a kobenajoro dibunae: “oko respeto taera ebuya”

Lizeta Hernández, ka jobaji Delta Amacuro a kobenajoro, yaja ama 25 waniku noviembre eku, dibanoko ekuya dibunae, oko venezolanotuma kokotuka ka etomanetekitane jayama, oko arakate daisatuma inasebe daisayatamo etomanetea kuare.

Tai kobenajoro dibunae, Venezuela eku, daisatuma eraja nabakanae rone, sanuka dakate isanayaja ekidatanae, isanamatabuyaja ekidatanae, takore kokotukayawitu venezolanotuma a tomana ababuya, a sanamata abaya.

Lizeta aribu sanau tanae, kokotukaya venezolatuma aisiko asira kuare, takore saba yakera Venezuela eku tuatane jese tanaja kuare.

Compartir contenido

Vamos a encontrarnos en Telegram https://t.me/Tanetanaedelta