Delta Amacuro eku aidamotuma ainataba, cuarentena tiajakotai emo abakore, fiscalíayata a wai abate

Kobenajorotuma dibunaejakotai 7+7 tai eku abayajayama, taijakotai, misa jisaka cuarentena taeraja abakitane, misa araisa cuarentena abotoboto abane takitaneyama, sinakuareyana, jebuida coronavirus ka majanaka tamiaro.

Misa tamajakotai tai sike cuarentena taera abate, tiakuare mawarao, Tucupita eku ubayakotai, oi.

Kobenajoro Lizeta Hernández dibunaejakotai Delta Amacuro saba:

– Tucupita a mercado municipal yaotate sinarija 6:00 am yatukamo, sinarija 12:00 m, a dara mukorate.
– Carrotuma ama waraotuma jotarotuma tane a janokoekumo ejobaturu sinarija 5:00 am yatukamo, ama anakuarika sinarija 4:00 pm, dijana jisaka dakate a janoko ekumo ejobakomoni.
– Transporte público ekidate misa tamaja eku.
– Deltanotuma kokotuka aroko a simara abakitane ja, oriwaka daisatuma aisiko eraja abakomoniwitu.
– Ibiji a wabinokotuma a sinarija eku jese.
– Wabinokoidatuma eku yaukitane a mojo jarakitane ja jabona cloro tane isiko, ka daisa emo sabuka kanamakitane ja.
Tamaja inatabatuma emo abakore, fiscalía eku monikata abate.

Compartir contenido

Vamos a encontrarnos en Telegram https://t.me/Tanetanaedelta