Unos indígenas a orilla de un río en Delta Amacuro / Tanetanae.com.

Yaja tamaja, 12 waniku octubre yarokore, oko kaidamotuma, ebetuma oko eribuya, wabaejakotai aisia ka obonona dokú tía, ka jokonamu kuare.

Takore, emo barekí, amawitu oko waraotuma sanerayana, oko taera, oko yaotamo, oko teribuya, oko pendejoyana, ka kuá ayakaremo, oko inaraoyana.
Oko política arao yana, oko kadaisatuma emusibubunaja.

Waraotuma kokotuka joaika ekida, waraotuma ama daisatuma tane yoreku. Jotaraotuma ka isanamatakomoni nome, takore oko arakate tatuma darijatakomoni.

Indígena takore, saneraja warayaja yana, indígena tiajakotai, a cultura yakeraja eraja ja kuare.

Takore ama, iji warao, ji burata erarone, ji carro jakore, ji janokoida jakore, eku jese iji warao. Iji profesora rone, iji licenciado rone, iji ingeniero rone, kokotuka warao. Indígena dijawarayakotai, indígena jese wabaya.

Tai asirayana, nome yakerajawitu, teribukí, naminakí, dibu toakí kawarao kuare, monidajawitu ekida tai.

Jotaraotuma nonayakotai, waraojaja dakate nonaturu.

Políticotuma are ji isía dibuyajakotai, tai, oko are sanera, tiakuaresike tatuma dibuya, «resistencia indígena», takore tatuma a ribu. Araisa jakotai dibuya, «día de la raza», oko yakeraja naminakatakitane ka jokonamu berekitane, tai arakate asira. Dekomana asira, tatuma tai isisko ka ekotubuya. Oko arakate «seres humanos», daisa monuka, weba  mikí, tatuma weba, yaotakí, politicotuma omi.

Loading...
Compartir