Un panorama de la vida de un grupo de indígenas, a orillas del caño Manamo de Tucupita / Tanetanae.com.

Warao a sori arakate nobara jese, kokotukaya ja, waraotuma aisia wituyana, takore tai nobara asiraja ekó takitane, tane nonau:

– Ji isia sori jakore, jisamika ubau, ji warao majanaka tamiaro: Ji jiaka daisa nebunaka, ji simara arakate, iji witu owanu.

– Ji simaratuma, ji jiakatuma, ji buatuma abaitane yakeraja jarau jabona ama jo ijiraja tane aisiko, taitane jokoji ajeraja eku abanu.

– Ji bitutuma joarakomoni jakotai, bolsa eku bianu, yaja dijanamo jakunarai bolsa eku, taikotai sorituma wabamiaro, warao a joro emo, yaja dijanamo eku wabayayama.

– Ji janoko a nana omi jakunarai.

– Sori ji tejo kokotukaya aisia jakore, monidawitu jakore, naru dubujida ibiji a rotu yata.

Ka nobotomo boisi boisi tanaka takunarai, oko boisi boisi tanaka takí, sori aobonona, yakeraja ori yaorokí, jotaraotuma a jobaji eku.

Loading...
Compartir