Un niño duerme en una canoa a orillas del caño Manamo de Tucupita / Tanetanae.com.

Amawitu, warao a nobotomo eraja sabuka desnutrido ja, tai yakeraja yana, tai nobara. Diara, a sojówitu ekida tai, takore tai nobara jese.

¿Katukane iji naminate ji noboto desnutrido jakore?

Kotubukitane obononajakore, monidawitu onayakore, ajoro wajau tia, a jio nakaya, a nojiba ekida, ama a kobe a ká tane, onobuaetiakore, ji noboto desnutrido.
Dubujida sabuka ibiji a rotuyata konaru.

Ama iji yori denokoya, ¿sinakuare ji auka ji aukatida desnutrido?

Yakeraja najoronaja kuare, nome amawitu Venezuela eku, nome najoro ekida, amoara taera, takore, sanuka míakotai, yakeraja jisabakitane ja.

Jo a nana nisakitane ja jisabakitane takore, jobikitane takore, chuchería ama refresco tane ji noboto moanaka.

Ami oroyakore, amiwitu moau, ami oronaja kore, najoro yakeraja jisabaitane moau.

Nome oko sanera tai, takore, oko sanera rone yori yaorokitane ja, nobara nojane, waba nojane.

Loading...
Compartir