Kobenajorotuma minakatane yaotakotu

Mawarao, ine yatu saba dibuya, kobenajoro minakatakotu dijana, ebeyatamowitu tatuma miatubuáe tane, ka emusibubuyakore, ka erijisabuyakore, ka votowitu najobuyakore, dijana mawarao, tamaja dijana ekorakitane ja amawitu.

Ka obonona aisia yaotakí, yaota minaka najobukí, ure, aru namukí, já, cartera nonakí, teribukí yaotanoko yakeraja eku yaotakitane, ibiji a karata teribukí kawarao nobarabuyaja sanetakitane, karata minaka teribukí kuarika naminakitane, leyes kasaba jabatabuaeja teribukí ka jono a tá abakitane.

Sinatai, karatajoko, simosimowitu, tai ka kawana ekida kunarai, oko kokotuka yoriwarao, ka cultura aisia kokotukaya naminakunarai.