Un niño duerme en una canoa a orillas del caño Manamo de Tucupita / Tanetanae.com.

Ka yaja jotunaka eku, yakeraja yori yaorokitane ja.

¿Katukane iji, dajía, daiba, yakeraja iji yori yaorokuna ji yaja eku?
Tane nonau:
– Anijakowitu joninako, jotu simara tane abanu, oko tamatika janokoina eku, jotaraotuma a jotu a simara abaya, tai jisaka abanu.
– Jokoji kuai nakakore, sinarija las 12 aisia abane, dijana ji jotu simara nisaitane daisa abakitane ja, inakoitane. Sinakuareyana, iji boisite, nobara ji ká kabana yatuka nakate.
– Ama, imaya, ubakitane yajikitane takore, atae joninako, ji jotu simara daisa abanu.
– Ama ji jotu simara taisia webatonaka, nana a noko eku abanu.
– Ji kabe dijokore, ibiji a rotu yata naru, ibiji a wai ji saba waramiaro.
– Yakeraja sabuka najoro, iji jotu webatoyakotai ji nojiba nisayakuare.
– Yaota taeraja nonanaka.

Tane tanaka takore, iji nobarakitane jawanera sabuka. Oko yakera jakitane onoboyakore jotaraotuma a janokoina eku, awajabarawitu, oko anana omiwitu seorobuáe takitane ja. Tai warayaja higiene tía.

Ji warao ibomamo saba waranu tane.

Loading...
Compartir