Un joven revisa entre los comercios de la calle Bolívar de Tucupita, el jueves 4 de junio / Tanetanae.com.

Tai jebuidaa coronavirus Delta Amacuro eku ja dijana, ebeyatamo. Yatu naminayatai dijana, takore, oi taisía, ejobonakatakitane ja. Amawitu waraotuma ja 49 tamaja isiko nobarayaja.

Tamaja coronavirus jakotai, seré seré tía, tiakuaresike ka mojo joarakitane ja, jabón isiko. Oi taisía, jotaraotuma munuka sosonaka, yorimajanakatakotu. Ji doko jiaka sanuka isiko makanu.

Iji sanuka karata mía, ama dibuya arakate, ji dibunokoina, computadora jakuare, takore daisa a bitu ekida, tiakuaresike tatuma saba deje waranu, oi taisía. Ka janoko eku bajikitane ja.

Najoro saba narukitane, tata ji mojo joarakitane ja, ji mu oanakatane. Tai jebuida ka muakore, ama sike nome dijana, ka waba tai, takore oko yori yaorokitane ja. Tamaja deje taisía daisa isiko mi, tai arakate toatakitane ja.

Loading...
Compartir