Misa tamaja sanuka monida sabuka ka jobaji Delta saba

Inaminatutuma dibu toanae calle ekuya ejobakitane, ayakara ebukitane Tucupita eku, emosabamojakotai, carrotuma eraja gasolina wakaya, saba esejomiaro. Takore yaja kaje imaya waranae, gasolina esejonaja yama.

Janokoina Pedernales arao erajawitu nabakanae Tucupitayata, tata ote sike serviciotuma nome asira kuare yama.
Internet a dibanokotuma ekuya nome baroko a sitaba ejobonae daisatuma eraja aisiko, Tucupita yata nabakayakore.

Carrotuma arao, cola eku gasolina wakabuyajakotai saba waranaeyama, sanuka arakate saba esejonaka takitane, takore tatuma jakotai dibuya, tatukamo dikobunajayama. Nome orijasi ja, yari ama murejo tane.
Yaja ama anijako, lunes 5 waniku octubre, inaminamotuma calle ekuya ejobuae, janokoina Tucupita a centro eku, tai a moara abayakotai sanukirawitu kuare.

Inaminatutuma aidamo sabuka, tai a wai Juan José Jaramillo, tai sike dibu toanae yama aukamo arima tumasaba, a nobotomo a wai jabatanaka tamiaro, jebuida coronavirus tiakotai nojane.

Compartir contenido

Vamos a encontrarnos en Telegram https://t.me/Tanetanaedelta