Una familia de indígenas warao está en la orilla del caño Manamo en Tucupita / Tanetanae.com.

Nome, warao a nobara era, bajana, joa, jebu. Takore nobara kokotuka warao a bitu yana.

Warao eraja wabaya jotarao a nobara aisia, tiakuare oko wisidatutuma yata narukitane ja nome, takore ibiji arao yata arakate narukitane ja.

Ji noboto nobarakore, ibiji a janoko yata konaru, tai a jotu a karata nisane, eku nobara musabakanukira ejobakore, wisidatu yata konaru, joa rotu yata, bajana rotu yata narukotu, tai asidayana.

Tamaja ka creencia, sanuka nobarakore, oko dibuya: warao a jebu. Tiarone, amawitu oko jotaraotuma a janokoina eku ja, tatuma a nobara era, takore a ibiji arakate era, tatuma a yarokota arakate warao ibajukaya.

Tiakuare maraisatuma, narukotu wisidatu kuare, ama ibiji a janoko yata arakate narukotu.

Loading...
Compartir