Noboto nonakitane takore, sanuka obonobukotu mawarao, bitakotu, takore oi

Amawitu noboto konakitane obonokore, awajabara oko yakeraja obonobukitane ja. Sinakuareyana, amawitu warao a nobotomo eraja calle ekuya ubaya, tatuma sana mía, nojo mía, nobara mía, arimatuma a burata ekida kuare.

A tida a nibora tane saba: yatu kuare burata sanukawitu jakore, noboto obononaka takotu, diawarakore a jiaka tane nisakitane jatera, a najorotane jatera, nobarakore a ibiji a moara tane jatera.

Yatu (tida, nibora tane) yori isiko yajekitane obonokore, yakera, takore yori yaorone. Oi kuabu ejobane.
Nibo, condón abakotu. Ibomamo, yatu a burata sanuka jakore, ibiji a rotu yata narukotu, saba warakunarai ibiji a wai kuabu ejobonaka takitane.

¿Yatu sinatane noboto konate, sanamatamiaro?

Dijana oko janokoina eku ja, oko nawae, yakeraja jakitane.