Una familia warao está a orillas del caño Manamo de Tucupita el 14.09.2020 / Tanetanae.com.

Janokoina eku nobotomo nobarubuyaja era, obo aisia, so jo aisia, aobono eku juba eratane, diara aisia, tanaja kore a roko boisia, nome nobara era.

Nobotomo aisia jonaba iridajawitu abanaka takitane ja, obo majate, obo sabana arakate majane jawanera. Jabona a juku, ajamara a jejuku, yatu jisabayakore dau a jejuku emo yatu a nobotomo abakitane ja. Nobotomo aisiko naja ekuya kujukomoni.

Tai obo nobotomo kuare idaya, a mejowitu majaya, tiakuare oko janokoina eku jateje, narukitane ibiji a rotu yata, yarokota a wai yakeraja ka saba waramiaro.

Ibiji naminanaka oko ka nobotomo ejobikomoni.

Obo kotai nobara jawanerawitu yana, tiarone, warao a nobotomo eraja wabaya tamaja nobara aisia. Tanaka tamiaro, ka nobotomo yakeraja witu yaorokí.

Loading...
Compartir