Oi aba isiko, desodorante ejonu

Tai ka jararoko a juku, oko ijiobakore, ijiobonajarone arakate, tai juku ejoboya. Waraotuma ama jotaraotuma kokotuka a aba jukira, tai tuatane dijana.

Takore, jotaraotuma a jonaba ja, tai aba ebikaya. Tatuma warayaja a wai sike desodorante, tanajakore antitranspirante. Tai ejokitane ja oko, ka aba a juku ejobonaka tamiaro.

Amawitu oko crisis eku jakuare, tai desodorante tiajakotai, a moara taera sabuka, takore oko tomana minaka takitane, monida sabukarone, nisaturutakitane ja.

Yatu kuare tai jonaba jakore, tane takotu:
– Awajabara, joinakokotu, yatu a jararoko rakeraja jabona aisia jarakotu.
– Yakeraja yatu a jararoko berekotu, jiaka wajau tiaja aisia.
– Taitane, yatu a jiaka abakotu, a nana omi. Oi, yatu a jiaka jaranaka abakore, yatu a aba ejobate.

Yatu a burata sanuka owanajakore, tai jotaraotuma a jonaba nisakitane, irimona yatu a jararoko ejokotu, inakoitane. Tai arakate yakera sabuka, sanuka aba ebikaya abaya.

Dijana oko janokoina eku nakae, ama jotaraotuma kawana ubaya. Tatuma aisiko yakera jakitane oko obonoya, tiakuare, sanukawitu, tatuma a cultura nonakitane ja.

Compartir contenido

Vamos a encontrarnos en Telegram https://t.me/Tanetanaedelta