Plataforma tipo gabarra donde se registró el incendio / Cortesía.

Delta Amacuro eku, Perdernalesyata, empresa Petrowarao tai kokotukawitu dokunae yaja 11 de junio, joida 2019 eku, amawitujakotai eku jese já, omi narubuae, tuatane iabanae.

Tamaja Petrowarao tiajakotai Pedernales a nabautu butunáe tane ja.
Tida jisaka, janokoina Capure yatamo waranae, taisikeyama, Petrowarao dokunaejayatamo, aidamotuma a jisaka tamaja mikitane nabakanaeja ekidayama.

Atae arakate, yakeraja abakitane nabakanaka tanae, are jesé tía.
Biterijisatuma arakate tamaja empresa ekumo mojoka kojakanaeyama joida 2019 eku, cable iridaja erijisubuaeyama.
Baroko (Bonoina araotuma a ribu) iridaja, tatuka jese butunae tíayama, tai eku petróleo abayaja tanae, ama tai arakate sike nobotaeja asirawitu.

Pedernales araojakotai dibuya, dijana aidamotuma Petrowarao omobuae, aobonona aisia ekida dijana.

Loading...
Compartir