Kamla Persad-Bissessar PHOTO COURTESY KEVAN GIBBS.

Venezolanotuma inasebe Trinidad ama Tobago yata, nokobuae tanewitu ja, ama lunes 10 agosto eku, karata owabukitía kuare, aidamo naminakitane.

Trinidad ama Tobago aidamo sina nakate tai: Keith Rowley tai, ama Kamla Persad-Bissessar tane yoridiboto ja.

Venezolanotuma nome tata erawitu ja. Tata naburubuae ka jobaji Venezuela eku nome kokotukayawitu monida kuare.

Tamatumajakotai (Venezuela arao), tata bajekitane obonoya yaotabui, tiakuare tai Keith Rowley nojomiaroya, venezolanotuma sanetayakuare. Amasabamo, Kamla Persad-Bissessar tai sike tida inglé Venezuela arao iabubukitane abonoyayama, toatane waranae dibanoko eku.

 

Loading...
Compartir