Warao jisaka doajane wabae bollo najoroyakore Brasilyata

Nibora jisaka a wai Oneximo Medina, wabae doajane, bollo najoroyakore, abrigo a wai Pintolandia arijaka, janokoina Roraima, Boa Vista, inasebe Brasil.

Waraotuma naminakore sike, warao joaika jesé tanaeyama, wabayajawitu, kokotuka tai nibora sanetabuae, a mejo sinatakabuae, takore monida tanae.

Ambulancia yejebuae, takore tatuka nabakanae policía tuma a patrulla jisaka, tuatakore, konaruae ibiji a janokoyata, tata ibiji arao waranae, wabane kuarimajabaeja.

Tamaja nibora, karaisa, tai Waraojaja, Janokosebe yatamo.

Compartir contenido

Vamos a encontrarnos en Telegram https://t.me/Tanetanaedelta