Imágenes tomadas de internet sin autoría especificada /Arreglo de Tanetanae.com.

Alexis González, municipio Tucupita aidamonobo atae ejobonae
misa tamaja eku, gasolina munuka jese, atae sanuka nabakanae, ama,
kobenajoro Lizeta Hernández autu kanamuya.

Alcaldenobo jakotai, tai bojí tanae Delta Amacuro a diputado jisaka a
wai Jesús Hidalgo, tai aisiko. Takore dibunoko tamaja
Tanetanae.com, dijana naminayaja tanae. Jisata dibunae obojonamo
tanae, takore ama dijaka nakae dijana.

Alexis González jakotai arakate candidato tane ja, diputado tane, takore
ama dibuya ka jobaji Delta Amacuro yakeraja abakitane obonoyayama, a
yaota a wai sike “Salvar al Delta”.

Ama Delta Amacuro a kobenajoro Lizeta jakotai, tamajatuma a ribu
nokonaja, kuare arakate barinaja, bajukatane sike, aisia see tanae,
gasolina a wabinoko a dara ijakakitane warakore.

Ama gasolina a wabinoko a dara ijakabuae, nome carro eratane cola eku,
kawajeratane. Damana saba yakera ejobonae yama.

Loading...
Compartir