Yaja mojabasi eku: biterijisatuma, carro a toi, ama, yari calle ekuya

Dibanoko Tanetanae.com waranae, tamaja misa monida sabuka jate tanae, deltanotuma denokobune tuatane dibunae kuare. Tucupita arao eraja calle ekuya ejobonae, carro a toi iridaja sabuka ebui, ama sueldotuma sanuka iyaburumiaroi. Tuatane tiakore jese, biterijisatuma janoko ekuya nome see tiaja tanae.

Inaminatutuma ama, nobotomo arimatuma, tane, calle ekuya ejobobuae, sueldo ayakara kobenajorotuma ebuyaja, jebu Covid-19 arakate nojaya, ibiji a janoko sanera kuare, eku ibiji ekida, eku eraja ekida. Ama, inaminamotuma sanerayama, a sueldo aisia najoro iridaja sabuka nisakomoni, ama a jiaka tane nisakomoni, sanukirawitu.

Carro arao calle mukoronae, gasolina bubiraja sabuka gobierno ebuyaja tanae, 30 litros ebuae, takore kobenajoruma 20 litros witu saba esejokitane dibunae. Kuarika ebuae, takore asiratanae, carro arao basubuae.

Ama biterijisatuma jonoko ekuya yarubuya, taitane janoko arao biane iabaya, a bitu kokotuka konarubuya. Zodi aidamo jakotai dibuya tane takore, waramiaro, tiarone ekujese erijisabuya mate.

Compartir contenido

Vamos a encontrarnos en Telegram https://t.me/Tanetanaedelta