Cierre de calle a las afueras de la estación de servicio que está en el paseo Manamo / Tanetanae.com.

Carro a toi a diara nome mate see tía, calle mukorobuyajakotai gas ekidakuare, inaré tanaja mate, ama gobierno arao obonobuyajakotai sike, opositore jisamo sike oriwaraotuma erijisabuyayama, a bitu wabitane campaña a moara abakitane.

Tucupita arao kokotuka kuare gas ekida. Tiakuare ayakara ebukitane calle mukorobuae, yaja lunes yatukamo. Yaja ama viernes arakate carretera mukorobuae janokoina Las Malvinas ama La Manga tane aisia. Kobenajoro dibuyajakotai, tai sike bloqueo aobononayama, gas nonakitane monida.

Emosabamo, deltanostuma carro a toi a diara mate wayabajana, takore saba monida sabuka kobenajoro ainatabatuma eku abakitane. Carro arao najomobuya, denokoyajakotai, kasaba gasolina esejote.

Delta Amacuro a kobenajoro, dibanoko ekuya waranae politicotuma jisamo jayama, jonoko ekuya erijisabuyaja, tai bitu eraja kojakabuya wabikitane, burata owayakotai aisia campaña nonakitane, karata webatokitane yaja 6 waniku diciembre saba.

Loading...
Compartir