Waraos arriban al paseo Manamo de Tucupita / Foto: El Periódico del Delta.

Misa tamaja eku, kobenajoro dibunae, ejobakitane obonoyajakotai Tucupita ekumo, aobonona eku abateyama, yakera, aisia dibunaka takitane waranae Lizetakotai. Takore, deltanotuma damana dose arao a mojeku nakakore, kobenajoro yejebunaka tateyama inasebe daisa yatamo. Tai jakotai sinakuareyana, estados daisatuma a ainataba kayukatuma já, a reglas a normas já.
Tiakuare, yakera ejobaturu, yakera yauturu janokoina inasebe eku, takore misa cuarentena a botoboto eku witu.

Dijana karata webatokitane saba campaña a yaja a jotana abanae, kaje sabuka. Ka jobaji Delta Amacuro eku nome see tía. Candidatotuma kokotuka sabuka waraotuma a voto obonoya, tiakuare kokotuka nome jakabuya. Jisamo, waraotuma a janokoina yata narubuya, candidatotuma daisatuma nome orikuare nakabuya a nebu aisiko. Tuatane ja Tucupita eku.

Ama jakotai, dibanoko Tanetanae.com naminae, deltanotuma eraja waranaeyama, jotaraotuma waraotuma erajawitu kurujubuae Trinidad y Tobagoyata, a nobotomo omi, a nobotuma kayuka iabanae, naburubuae tai inasebe yata. Nobotomo mojoreku monika tai, a dimatuma narubuaejakotai, a nobotomo kuare sanuka dakate barí tamoana. Aukamotuma taisia ebubui kujubuya janokoina Los Cocos ama Santa Cruz tane aisia abane.

Loading...
Compartir