Varias personas navegan en canoas en el caño Manamo de Tucupita / Tanetanae.com.

Misa tamaja eku, amasike crisis ayanawitu dijaka nakae. Deltanostuma kuarika Brasilyata, Trinidadyata naburubuya. Burata jebura ka burata Bolívar kuarikaya ayanawitu, ama jebu Covid-19 aisia wabaejakotai a noara waranae.

Deltanotuma 84 wabaeyama jebuida Coronavirus aisia , toatane waranae Delta Amacuro a kobenajoro Lizeta Hernández. Toatane waraitane, dibunae kokotuka aisia yori yaoroteyama kuarika, recaida eku nakanaka takitane.

Kaje, yaja jueves anijako, waraotuma erajawitu 80 warao aisia abane, naburubuyaja tanae wajibaka ekuya lo caño yatamo, Brasilyata itobuyaja. Kaje Barrancas del Orinocoyatuka jatanae, tatukamo naukitane Ciudad Guayanayata, taitane omuya Upatayata, tatukamo dijana Brasilyata nabakakitane. Nome waraotuma kuarika naburubuya, ka janokoina ekuya, lo cañoyata ubakomoni dijana.

Misa tamaja, burata jebura ainataba emokotai, ilegal 500 mil wayabanae dijana, venezolanotuma sueldo mínimo weba omoae, kuarikanae, sueldo jisaka 400 mil amawitukotai, nojoro nisakomoni abanewitu bajinae, naukamo wariaeja harina pan tiajakotai a moara 600 mil yaronae. Dijana deltanotuma arepa nonakomoni, naukomo a bollo najorokomoni nakae.

Loading...
Compartir