Una mascarilla está sobre una silla en una sala de una oficina, en Tucupita. Imagen ilustrativa / Tanetanae.com.

Ka jobaji Delta Amacuro eku dijana monidawitu tía, jebuida coronavirus aobonona, dijana erajawitu aisia ja, ka obonobu arawanera sabuka, jawanera kuare, ka waba nojaya. Emo barikore, Tucupita eku mate “gas” yaronaja, kokotuka dauwaja aisia jisabaya, toatanewitu ja waniku dijanamo.

Transdelta aidamo coronavirus majanae, tai sike dijana amoni, ibiji a janoko eku ja, wabaya dijana. Ama Zodi 61  aidamo arakate jisamika abanae, aisia Covid-19 jakuare.

Tida jisaka waranae dauwaja nisanaeyama, burata 290 mil isiko, wabinoko mercado municipal a werea. Tanetanae.com toatane warakore, eraja ejobonae dauwaja wabikitane amoara ekidaja sabuka aisia.

Kobenajoro Lizeta Hernández saba sike asirawitu “gas” ekida kuare, tiarone, konaturutaya, takore darija irira, monida dijana. Toatane dibunae Lizeta dibanoko ekuya.
Amasabamo barí takore, dijanamo wabae dijana coronavirus aobonona, Delta Amacuro eku.

Jisaka wabaeja munukawitu jebuida Covid-19 aisia jese.
Jebuida coronavirus nome jawanera, ama dauwaja aisia jisabaya mate. Nome monida.

Loading...
Compartir