Un panorama de la vida de un grupo de indígenas, a orillas del caño Manamo de Tucupita / Tanetanae.com.

Oko waraotuma ka kojoko ebutorokoina tane ja, taijakotai jau tibara, oko a wai tane eraja abanae: Tikitiki, likiliki, teretere, ama oko dau sanuka tane nonaya, ka kojoko a nana nisakitane.

Takore tamaja asirasabuka, sinakuareyana, ka kojoko nobarate, nome kojoko a jebu erawitu.

Ama joniwitu inakokore, arakate jawanera. Ka kojoko eku jó nakokore, kuana dijoya, tai dijana jebu nobara a jotana.

Kuana dijukore, eku ojotaya, boisi namonía, tai ka kojoko emonia, oko nokokomoni arakate.

Tiakuare ji kojoko a nobara abanaka, sanuka bere, takore jisamotane. Tamaja daisa saba waranu, ¿nokoae?

Loading...
Compartir