Yatu a nobotomo ibomamo jotarao minakawitu a mojeku iabanaka takotu, sanamatakitía

Amawitu ibobamo erajawitu jotaraotuma kawana nakae yaotakitane janoko ekuya, tai asirayana, takore jotarao minakawitu a mojeku ji ukatida iabanaka, damana jakotai warao isanamataya, damana jakotai ibomamo a tejo wabia.

Toatane jese, ebe sabuka, ibomamo waraotuma eraja aisia naminanaka tanae jotarao a janokoya yaotakitane nurubune. Amawitu arakate damana ibomamo tuatane ja.

Tiakuare ma warao, yatu a nobotomo anibakamo, ibomamo, tuatane inatabanaka takotu, taera yaotakotu yatu aukatidatuma karata teribumiaroi, taera yaorokotu, kuabu ejobakore arakate monida jese, sanamata mite.

Iji janokoina eku jakore, tane ji warao saba waranu, a nobotomo ibomamo, anibakamo taerawitu yaorokunarai.

Compartir contenido

Vamos a encontrarnos en Telegram https://t.me/Tanetanaedelta